民生 MS – 2026/27 K班 interview

前題見2026/27 K班報名情況 (CD 2Y+)。利申，此乃sibling嘅優勢下嘅interview，或者係咁岩遇到好有愛嘅老師，好似真係同街客interview幾唔同。同場加映AB當年街客interview實錄。

今年無一鏡到底嘅拍片，直接一round定生死

highlight: 民生interview最誇張嘅係骰仔問英文/數字，而我個仔！！佢鍾意向難度挑選，佢同老師表示鍾意粒骰，老師拎多一粒黎問佢⋯⋯

• 吸收左培正嘅教訓
• 今次揸車
• 成程車都播緊toddler song
• 嚮出邊曬住咁排隊等待
• 今年多咗電子牌，可以睇到邊間房ready
• ready嘅家長就可以向前行
• 我拎咗本恐龍書出嚟問細佬睇唔睇
• 細佬話: 返屋企先睇啦
• 我同佢講：本書俾你遮太陽㗎咋
• 佢就好合作咁雙手舉起本書
• 等左5-10分鐘就ready，可以跟住向前行
• 唔好太早到，但比預訂時間早左10分鐘
• 因為細佬interview要上3樓
• 向上樓梯之前我已經留意到老師冇望住條樓梯
• 咁啱條樓梯亦都冇姐姐把手
• 我一手夾住細佬條腰
• 然後跑咗兩層樓
• 每次轉彎就昅吓有冇老師企響樓梯口
• 然後終於成功見到個2字之後
• 放低細佬，叫佢自己行半層上3樓
• 終於去到3樓
• 就一路同老師打招呼
• 一路排隊入房
• 我見到隔籬個爸爸
• 應該係一樓就叫小朋友自己行
• 所以去到2-3樓小朋友就扭抱
• 基本上A303入邊嘅全部都係sibling
• 但聽聞老師話好似有個別一兩個唔係
• 咁一間房都係五個小朋友咋嘛
• 排隊入去，我哋係屬於2號枱
• 我見到3號枱故事書好似吸引啲
• 想同佢轉枱
• 但普通話老師話要順序跟返2號枱
• 阿媽係咪太鬆弛
• 聽到1號枱個家長問小朋友
• 響課室裏面搵唔搵到姐姐個樣？
• 所以姐姐應該係K3

Round 1

• 老師自介
• 再問佢咩名？
• （我啱啱坐低，仲忙緊同佢貼緊心口嘅貼紙，出世紙都仲擺響枱面）
• 問咗三次，佢先有答（佢都研究緊阿媽貼左咩比佢）
• 然後再問佢幾歲？
• 2歲
• 係男孩子定女孩子？
• 無反應
• 老師再問：男仔定女仔
• 男仔⋯⋯
• 細聲啲，但係都答到
• （我先醒起要收返埋枱面啲個人文件）

Round 2 story time

• 跟住老師就坐低同佢睇故事書
• 問細佬想睇中文公主故事定係英文的士故事
• 當然細佬係會揀的士
• 然後就話有個男仔定女仔抱住個動物上車
• 佢望住短頭髮嘅女仔搭：男仔
• 老師又問多次
• 最後講返係女仔
• 抱住嘅動物有咩呀
• 鴨仔兔兔雞仔貓貓狗仔山羊
• 細佬都係中英混答咁樣回答
• 老師又問佢貓貓點叫㗎？
• 佢又答唔識，但諗一諗佢發現自己識，就喵出嚟
• 老師開始發現佢反射式答唔識
• 咁多人上晒車，架的士都出煙啦
• 老師問佢仲上唔上到車
• 佢話：好迫
• 然後司機就叫咗架車過嚟接呢班人
• 老師問佢呢架咩黎？
• 佢：巴士
• 老師問佢咩色？
• 佢：唔識
• 老師叫佢估吓
• 佢：白色（我嚴重懷疑佢對紅色真係有啲色弱）
• 老師都好好照同佢講：係紅色
• 佢就跟住重複：紅色

Round 3 串珠

• 然後老師就拎一條木珠叫佢串珠
• 問佢識唔識得串
• 佢話識
• 老師就話，咁唔使我示範啦
• 然後就交俾佢自己穿
• 佢成功將第一粒珠穿咗入條繩度
• 然後就拉住條繩諗住穿入去，仲識用手指一路推
• 我同老師都點頭
• 然後佢個頭就擰咗去望1號枱嘅小朋友
• 老師叫佢：望住粒珠喎
• 佢就望一眼老師
• 一路望住隔離枱，一手拉條繩出嚟，穿好
• （我唔望都穿到，嘅意思）
• 然後我提佢仲有一粒
• 佢又拎住粒珠好專心咁穿條繩入去
• 我同老師都點頭
• 然後準備拉繩嘅時候
• 佢又拎咗過去望1號枱嘅小朋友
• 今次老師都笑咗出聲
• 我提佢專心啲
• 當然佢無理我

Round 4 骰仔

• 跟住老師就問佢係咪鍾意1號枱嗰粒骰仔
• 細佬：鍾意
• 然後就響個褲袋度拎咗粒骰仔出嚟
• 我一路係咁擰頭，明示同暗示老師，佢唔識㗎
• 然後老師就拎住粒骰仔開始問佢

1. F

• 我聽到佢細細聲答唔識
• 然後老師問佢，你睇多次呢個咩字？
• 佢唔知發咗個Fu嘅音
• 老師就話係啦係F

2. 2

• 然後老師擰轉粒骰問佢2字係咩嚟嘅
• 然後細佬唔出聲
• 我再加多把口問呢個咩字啊
• 然後指住張枱話我哋個枱號都係呢個字喎
• 跟住細佬就好細細聲發咗Tw 音
• 老師就話係啦，係two

3. E

• 細佬唔識
• 佢嘗試答咗phonics sound（家姐教得好！）
• 老師講返E
• 佢又跟住講E
• 然後！老師居然問佢仲夠唔夠呀？使唔使再玩啊？
• 我瘋狂擰頭
• 細佬話：要
• （阿媽心臟病發咁滯）
• 老師：好啦！（未見過咁痴線嘅小朋友）
• 喺褲袋再拎多粒骰仔出嚟

4. O

• 事已至此⋯⋯硬住頭皮頂硬上
• 細佬答Orange
• 老師話係啦，Orange，O
• 細佬: O

5. 7

• 然後老師再問佢7字呢個咩字啊
• 當然細佬係唔識
• 佢俾老師逼到連續講咗兩句唔知
• 老師叫佢試吓
• 佢就搭1（volume 10)
• 老師就話係啦，係7
• 佢就跟住講7

6. J

• 跟住老師再轉粒骰仔
• 阿媽心諗：仲嚟
• 然後就幸運之神眷顧啦
• 老師轉咗個J字出嚟
• 然後細佬就秒答J
• （好在家姐係讀K1J, 聽得多都起碼認到呢個英文字）
• 老師就終於滿意啦
• 卒了

Round 5

• 然後我諗住就可以完啦
• 點知老師再推個玩具箱嚟
• 拎咗個綠色拱橋、紫色正方形、同黃色三角形出黎
• 然後就叫細佬開始認顏色
• 首先老師指住個紫色正方形問佢咩色？
• 細佬答：唔識
• 老師再指住多次
• 細佬答：紫色
• 連老師都話係啦，其實你識嘅（開始了解佢啦）
• 然後再問綠色同埋黃色，細佬都答到
• 然後老師叫佢將個紫色正方形放響綠色拱橋上邊
• 然後再將個黃色三角形放響紫色上邊
• 細佬將個紫色正方形放到拱橋最旁邊嘅位置
• （我響車上面錄呢段說話嘅時候，佢同我講：我就係想咁砌；包拗頸）
• 老師就將紫色正方形移返去偏正中間嘅位置
• （我懷疑老師唔敢即刻拉去正中間，可能驚有啲好偏執嘅小朋友會即刻大喊）
• 再叫佢放個黃色三角形上去
• 應該老師都唔想佢向難度挑戰
• （仍然響車上面，佢突然之間爆一句：我就係好鍾意難度挑戰）
• 然後成功咗之後
• 老師就話咁OK 㗎啦，你哋可以玩一陣玩具
• 我忍唔住同老師講：應該冇乜小朋友會主動要求加單（掩面）

Round 6

• 由於我哋第二個入房完成咗呢個環節
• 都仲有好多時間俾我哋自由玩
• 我甚至乎同佢差唔多講晒第二本故事書
• 又用放大鏡去睇個松果
• 佢仲搵埋條殺人鯨出嚟
• 自己砌積木，起咗個水池響度游
• 然後我見到老師行過嚟閑談
• 我即刻問佢：似唔似家姐啊
• 跟住老師load咗陣：喺K2..X
• 然後我借啲意話佢哋兩個都好定、好聽指令架（內心瘋狂吶喊）
• 但係老師話家姐成日戴口罩，所以睇唔到佢有冇表情（居然係咁，卒）
• 細佬仲要中間打斷我哋：媽咪媽咪，你睇吓我

轉場

• 然後就話可以準備過去group in
• 如果有追開，就知我地對C位嘅執着
• 琴晚家姐都提細佬記得要坐C位
• 我叫咗細佬坐前面嘅小朋友櫈，然後我坐佢後邊
• 指住中間嗰張
• 點知佢佢坐咗家長嗰張凳
• 但由於有個小朋友霸咗尾二嘅位置
• 我叫細佬兜圈過去前面小朋友凳嘅時候
• 佢一屁股就得咗落去邊邊位
• 老師喺側邊望住，所以我冇理由逼走佢
• 好彩就係相熟老師坐喺隔籬
• C位失敗

Group in 1

• 第一round唱早晨歌
• 細佬嘅手勢已經完全吸引到其中兩位打分老師嘅注意
• 然後唱到第二次，細佬唱得好大聲
• 只係有陣時唔覺意唱咗afternoon（就係下午班嘅小朋友）
• 首歌有3段，第一段
• 最後一句Good morning to you
• 佢有雙手指住老師
• 第2段to you
• 就雙手指住另一位老師
• Good job!

Group in 2

• 然後老師派沙槌
• 細佬有舉手話要
• 所以老師用佢示範
• 老師話有小朋友舉手話要喎，去鼓勵其他小朋友
• 然後老師都教交個沙槌俾小朋友嘅時候
• 小朋友要講thank you
• 聽到指令，細佬秒速就響個盤度拎起個沙槌，然後講thank you
• 老師讚佢
• 旁邊應該可能夾埋得兩個定三個小朋友做到講到
• 然後見到有兩個小朋友俾媽咪抱起咗
• 然後拎住沙槌再唱多次早晨歌
• 佢第2段唱得超大聲
• 對面有個老師O咗嘴，口型嘩左出嚟
• （想睇吓邊個咁大聲）
• （但佢搵唔返係我個仔唱嘅）
• 然後佢有跟足老師指示，響頭頂揈，響隻腳度揈
• 唱歌嘅環節做得超級好

Group in 3

• 然後老師就講動物排隊上巴士嘅故事
• 又係好彩同我哋第一round本書有呼應到咁滯
• 然後可能因為巴士司機係獅子
• 令到隔離有個女仔大喊
• 老師問司機係乜嘢動物？
• 細佬嗌lion
• 然後老師再問獅子後面嗰隻動物係乜嘢
• 細佬好大聲el，但好細聲咁lephant
• (因為佢發現冇其他小朋友答）
• 好彩隔籬老師聽到
• 但後邊嘅小老鼠巴士、粉紅色兔仔巴士、其他動物，細佬就冇再搶答
• 咁當然老師都係逐個問緊其他小朋友問題
• 只係當老師問粉紅色有冇小朋友認到嘅時候
• 冇人答
• 老師講粉，細佬就答紅色
• 呢度表現有啲失色
• 我期望佢可以做得好啲

Ending pose

• 然後就到送禮物時間
• 除咗禮物，老師仲會派一張紙上面寫住可以攞結果嘅日子
• 然後就叫小朋友同家長排隊出嚟攞禮物
• 攞禮物嗰陣時要講thank you或者謝謝
• （其實算唔算都幾提水？阿媽我覺得我嘅角色唔重要）
• 然後第一個小朋友一手搶咗張紙就走咗去
• 老師都笑住話佢淨係要結果
• 然後就到我哋
• 我唔肯定佢有冇同左邊老師講thank you
• 因為右邊第二個老師同我講話細佬表現唔錯
• 我就加句係呀，似家姐呀，好聽指令架
• 老師再話：咁同家姐一齊返學做同學好唔好啊
• 我梗係即刻話，好！
• 再加多句，佢日日都話要跟家姐返學㗎！
• 但搞到冇乜時間提佢講，謝謝
• 都唔知佢最後有冇講
• 不過整體表現實屬唔錯
• 同家姐果年in嘅野差唔多