生活紀錄隨筆，包含: 育兒類、旅遊類(本港或外地)、財務類(銀行篇、信用卡)、家居類(強迫症日常) (FB:@www.wwblue) (IG:abcd_808620)
食到飽飽，梗係郁動下。反正我又唔係好遊到水，都係浸下水玩吓啫。
沿途經過健身室，都好似好多設施。
睇吓更衣室入邊嘅環境先，吹風機響櫃桶入邊，locker好Grand好靚，係電動鎖匙嘅。
吹吹下頭隔離都有個鐘話俾你聽幾點，如果約咗人就唔驚會遲到。棉花棒化妝棉都放落去盒仔入邊好subtle。仲有fing乾泳衣機。
淋浴間仲有大枝裝嘅沖涼洗頭水護髮素，咁就唔使塞住個身上返房先沖涼啦。
今日冇乜太陽，落水都有啲凍。記錄一下，已經做晒心理準備同BB講話媽咪要落水浸下，點知一落水嘅時候，BB攬埋一舊好緊張，成個肚僵硬咗，緊到我成個人都震晒，連棚牙都係咁震。去到第二日再落水就冇事啦，所以BB係對住一個陌生嘅環境，有水壓、又冇溫度嘅環境感到緊張啫，試多幾次就唔驚啦。
呢個package最抵玩個樣嘢，係會包入lounge同埋Petrus 早餐。 一行人明明啱啱先食完午餐， 即刻動物衝入lounge飲野。
繼續閱讀 「ISL – Horizon Club 豪華閣之旅 – lounge cocktail抵玩，Petrus早餐失望」
2021年5月，陀住隻BB，試吓港香嘅新裝修房型。
Check in前緊係要打打卡，今日係星期六，港香先有嘅英文版Saturday地氈。 繼續閱讀 「ISL – Horizon Club 豪華閣之旅 – 房型」
2021年7月，有一日有個Auntie請食飯，去左帝苑酒店下嘅Sabatini。所以有幸可以食到貴貴嘅行政人員午餐，即係如果要自己俾錢就唔會去食嗰種。
裝修都特別嘅，但係總有一種昏昏黃黃嘅感覺，可能係行懷舊情懷。但係三個人坐呢一張枱，未免有啲迫⋯⋯
餐牌
麵包籃，算係唔錯，因為我唔鍾意食硬骨骨嘅麵包，呢度嘅麵包係鬆軟嘅。
廚房仲比多一隻特別嘅醬我哋試，英文名，所以我唔識佢係咩嚟嘅。口感幾特別，都係啲來佬嘢啦。
前菜鴨肝Parma ham，雖然陀住個細嘅，有得食先至係開心媽媽，所以照食。
主菜，果然係啱小鳥胃嘅人食。坦白講，我覺得唔夠肉囉。
再嚟就係餐茶，同埋甜品。佢有成個甜品車，然後waiter同我講，所有嘢都有生蛋，所以你唔食得。蝴蝶酥我食得啦掛⋯⋯
唔通有咗真係唔可以食生野？嗰晚返屋企，我肚痾⋯⋯
呢一晚入住左港島香格里拉，因為淨係包Horizon Club Lounge Access，雖然食到都幾飽，但始終唔包晚餐，所以都要出嚟搵好西食。既然大家都唔係好肚餓，咁就食個輕盈嘅晚餐，但都唔知點解揀咗間扒房。 繼續閱讀 「[Food] Bizou American Brasserie @Admiralty」
小寶之前申請咗張花旗銀行嘅cash back信用卡，其中一個迎新優惠就係攞到文華東方兩位下午茶禮券。
然後一路拖咗好耐，先肯同我去食個下午茶。
有咗真係除咗令人口味改變，仲會令人性情大變。有一日小寶問我想食乜嘢，我居然同佢講我想試新野。我明明曾經係一個可以同一間舖頭一日三餐連續食10幾日嘅人，同一間麵包舖買麵包做早餐買咗兩年幾嘅人。荷爾蒙真係好恐怖。
然後我哋就喺度搵元朗附近，有邊間居酒屋係唔算太貴。點知最後搵到呢一間，價錢就真係有日本嘅感覺，但食物質素完全係值回票價。
有一日行經荃灣，原來附近除咗Donki之外，如心廣場都多咗好多嘢食。由於我可以食得嘅嘢唔多，食燒肉嘅話就可以控制佢嘅生熟度。所以神推鬼㧬又去咗食石上燒。 繼續閱讀 「[Food] 神石燒牛扒水產專門店 @ Tsuenwan」
2021年3月尾。今次黎到尖沙咀嘅帝苑酒店，又稱蝴蝶酥酒店。今次係因為朋友相約一齊住套房，然後包一餐晚餐自助餐，仲可以入lounge。總數HKD2xxx一晚。 繼續閱讀 「Royal Garden 帝苑酒店 – 套房、入lounge、自助餐」
今日去咗沙田萬怡酒店Staycation，又係唔包晚餐。但響沙田喎，鍾意嘅落去食個沙田雞粥都好呀。響望完黃昏嘅城市、河景，成功叉返30%電（個人），然後就可以行去食沙田點心。 繼續閱讀 「[Food] 蒸廬 The Steam Hut @Shatin」