[離岸戶口] Barclays – 5. 開立手機銀行、網上銀行

新嘅一年一月頭，終於完美成功開到Barclays離岸戶口嘅Mobile Banking同Online Banking啦！灑花！UK疫情嚴峻，外國人做嘢手腳好慢，搞到個銀行戶口開到跨埋年先至搞得掂，仲要到我哋真係開到Mobile Banking之後先知，原來個戶口俾銀行取消咗一次，然後再重新開過⋯⋯真係一波三折。

經歷過2021年12月1號嗰個電話會議之後（電話內容收錄於[離岸戶口] Barclays – 4. 開戶篇 (成功)），12月尾嘅時候，屋企一次過收到一大堆Barclays嘅信件，我心諗，一係開到、一係開唔到嘅啫，你寄咁多封信比我，做乜嘢啫。經驗之談原來要玩贏呢個遊戲首先係要開咗Mobile Banking先至到Online Banking既，以下就等我娓娓道來(多圖)。

更新：2022年3月，收到Barclays電郵，話要提升最低存款額，GBP100,000(或等值貨幣)(~HKD1,024,000)，meet唔到就要比GBP40(~HKD411)月費。RM服務仲要GBP250000(~HKD2,560,000)先會提供。我估應該都真係幾多香港人去申請， 所以佢哋要cut客去維持返佢服務質素。唔緊要啦，我哋係窮架啦，所以做左幾日功課，睇下要點轉窮人離岸戶口。

繼續閱讀…

[護膚區] 贈品之唔好嘥咗佢

作為知慳識儉嘅小師奶，除咗我用小號label紙去貼落護膚品，提醒自己係由邊個月份打開使用，仲會經常性留返用完嘅sample小罐罐。善用標籤打印機（[文青] 生活態度 – 標籤打印機）或者屋企應該會有嘅小號label紙，護膚品箱都可以變成檔案庫，同財務自由招財表一樣，一目了然啦。

再喪心病狂多啲，我會將啲好難再泵出嚟嘅小罐贈品，倒轉到返落去中罐罐，實行「唔好蝕俾佢」嘅病態心態！

繼續閱讀 「[護膚區] 贈品之唔好嘥咗佢」

[文青] 生活態度 – 酒店手信

staycation都可以有手信～每次一去到酒店，就會拎個手信袋出嚟，同我全部打包帶走。我承認我係一個貪小便宜嘅小師奶，所以住酒店嘅時候洗頭水、護髮素、沖涼液、洗手梘、洗面梘，甚至乎係茶包、咖啡粉，我都會拎晒返屋企。但我唔係過分嘅師奶，我冇叫佢另外比多10套我架。

繼續閱讀…

Shang Palace 香宮 @九龍香格里拉(KSL) – 晚餐

之前staycation玩左轉左九龍香格里拉(KSL)，知道原來Golden Circle (GC) Point要黎食野最抵。屋企人生日年年都差唔多係食西餐咁滯，聽谷友推介過九香嘅香宮中菜，所以就即日book台、即日動物衝過去。

繼續閱讀…

JW Marriott’s JW cafe – Lunch buffet

要行過去JW Cafe，一路以來淨係識得響Pacific Place (PP)搭lift去港島香格里拉(Islands Shangri-La, ISL)，然後行上去朝聖Lobster Bar，再行去港香大堂，再行過對面JW Marriott。然後一行呢一條路，就諗起早排先至啱啱嚟過ISL玩Staycation，即視感很強。但係我哋今日嘅目標係JW Cafe。GOGOGO！

繼續閱讀…

北海道石狩川大閘蟹 @sakitchen

今年有幸響友人屋企食過北海道石狩川大閘蟹，原來又唔貴又多膏！仲要好易整！

多謝寶達，先至可以足不出戶可以買到北海道嘅大閘蟹，仲要港九新界都有唔同門市可以響現場睇貨，由佢嘅官網仲可以知道大閘蟹嘅小知識。

繼續閱讀…

[文青] 生活態度 – 標籤打印機

Brother – P-touch Cube

其實一路糾結咗好耐，買部嘢返嚟唔等洗點算，又唔想浪費地球嘅資源，究竟買定唔買。買左又有咩用呢，純粹就係一個衝動就買咗標籤打印機⋯⋯好彩我定力仲夠，冇買到3D打印機。

既然買咗，就要腐乳佢一個買嘅理由！要做到齊齊整整一家人嘅感覺，唔可以令到枱面上嘅文具唔整齊、護膚品又好、家具用品都好，全部都要齊齊整整。宜家呢個世代講求嘅係文青生活態度，雖然做唔到屋企簡潔北歐風，都要做一個收納達人。請見開箱文：

繼續閱讀…

[財務類] 每月任務 – 如何張八達通嘅錢轉返入銀行戶口

之前有講過，曾經教人點樣用」octopus」 app去轉移唔常用嘅八達通入邊嘅餘額，然後bank in翻入戶口。教人嘅時候，都唔敢向巴士度講」O! ePay」嘅大名（實在太中二了，很害羞呢）。好彩有一日18/11/2020，臨瞓見到八達通公司嘅公告，話要改名做八達通銀包。真係笑死我🤣咁咪幾好～夠straightforward、簡單易明😌

繼續閱讀…

[離岸戶口] Barclays – 4. 開戶篇 (成功)

上回提到，2021年7月頭寄出文件，經歷咗幾個月，終於17/11收到一個+44嘅電話，個聯名戶口終於響11月12號開到啦！

其實本身11月頭嘅時候諗住，佢既然都唔想開俾我哋啦，我哋就唔響佢呢間銀行都開啦，扁嘴。

說時遲那時快，17/11打比我，個戶口已經開咗，做個人身份Verification。24/11打比小寶，做個人身份Verification。

更新：2022年3月，收到Barclays電郵，話要提升最低存款額，GBP100,000(或等值貨幣)(~HKD1,024,000)，meet唔到就要比GBP40(~HKD411)月費。RM服務仲要GBP250000(~HKD2,560,000)先會提供。我估應該都真係幾多香港人去申請， 所以佢哋要cut客去維持返佢服務質素。唔緊要啦，我哋係窮架啦，所以做左幾日功課，睇下要點轉窮人離岸戶口。

繼續閱讀…

Mandarin Oriental’s Clipper Lounge – Lunch buffet

有幸跟隨同事去Mandarin Oriental (「MO」, 文華東方) 嘅Clipper Lounge (快船廊)，爽歪歪。由於都要同大家姐social，所以相唔算多。

Clipper Lounge坐落於MO閣樓，由地下上咗一層，如果唔係見到餐枱，都唔知道餐廳入口。其實坐門口嗰幾台，都幾尷尬。好在我哋一班人坐響自助食物附近，或者仲係疫症時期，所以肉眼可見餐廳現場係坐唔滿既。

食物類–冷盤數目仍然好多

煙三文魚、火腿都有幾種，仲有眾多芝士ｓ。

繼續閱讀…