Tag: abcdblue

Little Ones – Family Portraits 家庭相 (AB 1yr)

純粹係育兒忙起上黎，真係好攰。懶得搵邊間影家庭相好，所以QQ一歲時，決定strong跟朋友，搵下面呢一間公司影。見到朋友影出嚟嘅完成品，的確唔錯，朋友仲要話佢仔仔嗰日勁扭計，以為影靚相無望，點知出嚟效果OK，咁又真係唔錯喎。

原來媽媽谷嘅商機，都係建立向育兒太攰，所以懶得諗嘅前提下。

Little Ones – Family Portraits
https://www.facebook.com/littleones.hk
https://www.instagram.com/littleones.hk/ 繼續閱讀 「Little Ones – Family Portraits 家庭相 (AB 1yr)」

QQ Playgroup – Victoria Playpark VPP (12m+ toddler class)

我本住比QQ試多啲唔同類型嘅教學方法，去觀察佢究竟需要咩類型教育。最後付費嘅揀咗Artsplus (11m+ to 12m+)同 VPP (12+ toddler class)。

而VPP，聽啲媽媽講一出世就排。而我排左一個月就有toddler offer，如果唔係死好命，一定係因為移民潮XD 亦有機會係因為疫症問題，VPP停左infant class，所以好多application on hold。

重點供會模式：上夠4個月，80%以上VPP學生可以錄取為VEO學生。所以9月入學，上完12月，岩岩好4個月，趕得切1-2月interview。28/2出offer。

Victoria Playpark TST
B230 & B232, B2, K11 MUSEA, Victoria Dockside, 18 Salisbury Road, Tsim Sha Tsui, Kowloon, Hong Kong

繼續閱讀 「QQ Playgroup – Victoria Playpark VPP (12m+ toddler class)」

育兒 – 報學校 / 面試相 / 證件相

去到差唔多出世後一年嘅六、七月，就要開始物色幫QQ報學校，當然要影張面試相先啦。

買好衫，比兩次機會QQ，影左弘大同Verano。

延伸閱讀：證件相收納

繼續閱讀 「育兒 – 報學校 / 面試相 / 證件相」

Four Seasons 四季 – The Lounge 三道菜晚餐及 Argo 自助早餐

2022年8月，今次係慶祝QQ一歲生日，全家一齊去四季慶祝，大約一間$35xx，非常適合帶同BB去。但係當長老一齊，但唔算影得多相。四季嘅BB用品齊曬嘅，非常貼心，有齊保護膠等等，大少少會行會走嘅小朋友都照顧到，非常多額外貼心嘅服務。仲有嬰幼兒興趣班，並唔係間間酒店都有提供呢一類型活動，對上一次應該係美麗華。

以下係三道菜晚餐及自助早餐。 繼續閱讀 「Four Seasons 四季 – The Lounge 三道菜晚餐及 Argo 自助早餐」

育兒 – QQ成長之路（1yo+）

續育兒 – QQ成長之路（0-1yo）

我嘅身體響QQ大概一歲左右終於開始恢復原狀，亦即係做女時候嘅虧底開始翻返嚟，例如開始怕凍，食少一日materna，膝頭哥開始痛。我諗應該係陀B果粒super mario星星已經過左時。

然後QQ暴風式成長，雖然佢係光合作用BB（食乜嘢入咀都係咬咬，跟住lur返出嚟），但係身上仍然有肉，大帝亦都開始講嘢。

繼續閱讀 「育兒 – QQ成長之路（1yo+）」

Four Seasons 四季 – 房型介紹

2022年8月，今次係慶祝QQ一歲生日，全家一齊去四季慶祝，大約一間$35xx，非常適合帶同BB去。但係當長老一齊，但唔算影得多相。四季嘅BB用品齊曬嘅，非常貼心，有齊保護膠等等，大少少會行會走嘅小朋友都照顧到，非常多額外貼心嘅服務。仲有嬰幼兒興趣班，並唔係間間酒店都有提供呢一類型活動，對上一次應該係美麗華。

以下係房型介紹。

繼續閱讀 「Four Seasons 四季 – 房型介紹」

育兒 – QQ學習之路 (教學材料)

爬文嘅時候睇到一句覺得好精警，嬰幼兒每日最主要嘅工作就係玩，個問題係要俾啲乜嘢佢玩。

呢幾年出世嘅小朋友，因為疫情冇得上playgroup，又冇得出街社交能力差。朋友話佢小朋友嘅幼稚園老師都話，「媽媽唔需要擔心，因為成級小朋友都會一齊變蠢，所以係呢樣嘢係成個學年、成個世界嘅事，唔係淨係你一個」。多謝你呀老師，你咁講真係令到我好放心啊⋯⋯

不過留意番，我target QQ都係入happy School，並冇諗住報咩學之園呀（呃，最後都有報黎玩，傳送門）、傳統名校呀咁，我並無打算要有系統地催谷佢。如果有心想要催谷，就千祈唔好跟呢一套hea hea嘅書單。反而要入返名幼媽媽谷，去考其他嬰兒牌（好似咩嬰兒行山、划艇、騎馬、攀石、平衡車牌照咁）。

我唔可以算係一個好努力嘅媽媽，只係有加入大大小小唔同媽媽group，將啲有用嘅資訊結集整理，然後照跟。無論買乜嘢書本、玩具都好，最緊要，最緊要係要有親子時間同佢伴讀、伴玩，唔係嘅話都係浪費金錢、地球上嘅資源嘅啫。真係無捷徑架。人人都話要磨耳朵，但係就算一個大人都好，你俾佢磨耳朵磨足一年阿拉伯文，如果冇動畫或者冇影像幫你去連結單字句子同埋個意思，點磨都係嘥時間。

Summary: Pinkfong Animal Songs Book / Pororo讀卡機 / That’s Not My Bunny / The very hungry caterpillars (Eric Carle) 配點讀筆 / brown bear what do you see 系列+ dear zoo / 幼幼撕不破小小書 / Peppa Pig 小猪佩奇100册 / 小金魚逃走了 / 抱抱 / 小黃點 / ⋯⋯開始亂買書 / 漢字基礎500

書本類分拆出黎 – 育兒 – 學習之路 (書本清單)

延伸閱讀：書櫃 – 自從越來越多書同玩具，就響淘寶物色咗個好好用嘅書櫃。將好難收拾整齊嘅毛公仔、玩具，全部抌晒落去最底嘅籃到，冇眼屎乾淨盲。

繼續閱讀 「育兒 – QQ學習之路 (教學材料)」